Óþarfa bjartsýni á krepputímum

Á tímum kreppu og harðinda er ekki rétt að gleyma sér í einhverjum fagnaðarlátum yfir því að nokkrir menn með bolta hafi staðið sig betur en nokkrir aðrir menn sem voru ekki eins góðir að kasta bolta. Á sunnudaginn taka svo timburmennirnir aftur við þ.a. ég mæli með því að fólk taki því rólega. Þegar þetta er skrifað stendur gengisvísitalan í rúmum 156 stigum og það er ekkert að fara að breytast þrátt út af einhverju kjánalegu sporti sem enginn fylgist með.

Ég á kött, sem heitir Hrellir, og hann heldur oftast með Norðmönnum í öllum íþróttum þar sem hann er ættaður þaðan. Hann er samt ekki norskur skógarköttur.

Íslendingar í úrslitaleikinn

Athugasemdir

[Óli (IP-tala skráð) 22.8.2008 kl. 14:43]

Dr Negative mættur á svæðið :)

[Magnús Orri Einarsson (IP-tala skráð) 22.8.2008 kl. 14:49]

Er ekki erfitt að vera alltaf svona "jákvæður" þetta hlýtur að taka verulega á svona á þessum síðustu og bestu tímum.

[Hjörtur Herbertsson, 22.8.2008 kl. 15:30]

Far þú nú bara að stinga hausnum í sand gamli minn.Þér hlýtur að líða afskaplega illa,af allri þessari neikvæðni þinni.

[Böðvar Hlöðversson, 22.8.2008 kl. 15:35]

Kannski er ég neikvæður, en það er allt í lagi þegar ég hef rétt fyrir mér. Þess vegna líður mér bara alls ekkert illa.

[x (IP-tala skráð) 22.8.2008 kl. 23:18]

hahahaha

hressandi að fá smá neikvæðniskammt þegar allir eru að tapa sér í gleðinni yfir handboltanum (og þar með talin ég).

Þú ert fyndinn!:)